Республика кардиология үҙәгендә балалар баҡсаһына сират проблемаһын үҙҙәренсә хәл иткәндәр. Бында дауалау учреждениеһы хеҙмәткәрҙәренең балалары өсөн баҡса асылды.

Был башланғысты үҙәк етәкселеге тәҡдим итте. “Кардиоәсәй” мәктәпкәсә йәштәге балалар төркөмөнә 1,5 – 7 йәшлек сабыйҙар йөрөй.
– Төркөм ике сменала эшләйәсәк. Ошо рәүешле йәш ғаиләләргә бала тәрбиәләүҙә лә, хеҙмәт эшмәкәрлегендә лә ярҙам итмәксебеҙ, – тине республика кардиология үҙәгенең баш табибы Ирина Николаева.