Өфөлә IV “Көмөш Аҡбуҙат” халыҡ-ара милли һәм этник кинофестивален үткәреү ваҡыты күсерелде. Кинофестиваль 12 – 14 октябрҙә түгел, ә 8 – 10 декабрҙә ойошторола. Был хаҡта сараның рәсми сайты хәбәр итә.IV “Көмөш Аҡбуҙат” халыҡ-ара милли һәм этник кинофестивале милли һәм этник йүнәлештәге фильмдар төшөргән кинематографистарҙың ижадын популярлаштырыу өсөн уйланылған. Ғаризалар 1 сентябргә тиклем ҡабул ителде. Өс көнгә Өфө мәҙәни үҙәккә әүереләсәк һәм төрлө төбәктәрҙән, илдәрҙән режиссерҙарҙы, актерҙарҙы, продюсерҙарҙы йыясаҡ. Фильмдарға инеү бушлай.
Кинофестивалде ойоштороусылар: Башҡортостан Республикаһы Хөкүмәте, Мәҙәниәт министрлығы, Өфө ҡалаһы хакимиәте булышлығында “Башҡортостан” киностудияһы.