Башҡортостан аграрийҙары әле бураларға 2,7 миллион тонна иген һалды, тип хәбәр иттеләр республика Ауыл хужалығы министрлығынан. Майҙандарҙың 69 процентында ашлыҡ сабылған, 66 процентында һуғылған.

Көйөргәҙе, Бәләбәй, Хәйбулла, Йылайыр, Белорет райондары хужалыҡтарына иген баҫыуҙарының биштән бер өлөшөн генә йыйып алырға ҡалған. Гектарынан уртаса уңыш – 22,4 центнер. Иң яҡшы һөҙөмтә әүәлгесә саҡмағоштарҙа. Улар бер гектарҙан 38,2 центнер уңыш ала. Иген һуғыу буйынса иң юғары күрһәткес Стәрлетамаҡ аграрийҙарында – 143,1 мең тонна.