Европа йыһан агентлығынан хәбәр итеүҙәренсә, 15-30 метрлыҡ астероид быйыл 12 октябрҙә Ергә бик ныҡ яҡынлашасаҡ.
Белгестәр фаразлауынса, ул планетабыҙҙан 44 мең саҡрым алыҫлыҡта ғына үтәсәк. Шул уҡ ваҡытта хәүефләнергә урын юҡ, уның ҡарауы, күк есемен ентекле өйрәнеү мөмкинлеге бар. Әйткәндәй, июнь айында ғына Ерҙең эргәһенән йәнә бер астероид үтеп киткәйне. Ул осорҙа планета менән астероид араһындағы арауыҡ дүрт миллион километр тәшкил итте.
Европа йыһан агентлығында билдәләүҙәренсә, “көҙгө” астероид, Ер атмосфераһына ингән осраҡта, Силәбе метеориты кеүек “эҙ” ҡалдырыр ине. Хәтерегеҙҙәлер, ул 2013 йылдың 15 февралендә төшкәйне.