Өфөнән Асҡар Хәмзин ошо көндәрҙә Ҡытайҙың Тайбей ҡалаһында үткән ХХIХ йәйге универсиадала көмөш миҙал яуланы.
Рәсәй рапирасылары Асҡар Хәмзин, Григорий Семинюк, Александр Сироткин һәм Искәндәр Әхмәтов, финалда япондарҙан бер аҙ ғына ҡалышып, көмөш призер булдылар. Спортсыларыбыҙ, аргентиналарҙы, көньяҡ корейҙарҙы, украиндарҙы бер-бер артлы еңеп, команда турнирының финалына сыҡты.
Асҡар Хәмзин — фехтование буйынса Рәсәй йыйылма командаһы ағзаһы. Ул донъя кубогы этаптарында еңеүсе, Рәсәй чемпионы, Европа чемпионатының көмөш призеры булды. Универсиадала Асҡар Башҡортостан Хөкүмәте ҡарамағындағы Финанс академияһының Өфө филиалы исеменән сығыш яһаны.