Благовещен ҡалаһында халыҡты иҫке торлаҡтан күсереү тамамланып килә. Сентябрҙә ошондай ун йортта йәшәгәндәр Щорс урамындағы күп ҡатлы яңы йорттарҙан фатир аласаҡ.

Район хакимиәте башлығы Фәрит Фазылов әйтеүенсә, ҡалала ике өс ҡатлы һәм бер биш ҡатлы йорт һалынған. Төҙөлөш граждандарҙы иҫке һәм авария хәлендәге торлаҡтан күсереү буйынса федераль программаға ярашлы алып барыла.