29-30 июндә Баймаҡ районында “Ҡымыҙ-BREAK” форумы уҙғарыла. Сараның инициаторы – Башҡортостандың йәш яҡташтар ассоциацияһы. Алдынғы фекерле йәштәр өсөн тәғәйенләнгән форум үҫеш йүнәлештәрен күҙаллау мөмкинлеген бирәсәк. Бында республикалағы танылған шәхестәр – яҙыусылар, журналистар, режиссерҙар, спортсылар – менән осрашыуҙар көтә. Эксперттар иһә проекттарҙы тормошҡа ашырыу йәһәтенән кәңәш бирәсәк, яңы үҫеш алымдарын тәҡдим итәсәк.