Иртәгә илебеҙҙә ХХVIII Бөтә Рәсәй олимпия көнө үткәрелә. Ул 2018 йылда Кореяның Пхенчхан ҡалаһында уҙғарыласаҡ XXIII Ҡышҡы Олимпия уйындарына арнала. Йыл һайын уҙғарылған спорт байрамының маҡсаты – халыҡты физик культура, спорт менән даими шөғөлләнеүгә йәлеп итеү, олимпия хәрәкәтен пропагандалау.
Сара нигеҙендә төбәк олимпия советтары араһында “Олимпия иле флагманы” конкурсы ойошторола. Уның барышында Бөтә Рәсәй олимпия көнөндә иң әүҙем ҡатнашҡан төбәк билдәләнәсәк. Бының өсөн “ОлимпийскаяСтрана.рф” сайтында теркәлеү шарт. Бәйгелә еңеүсегә күсмә кубок һәм аҡсалата бүләк тапшырыласаҡ. Шулай уҡ теркәлгән ҡатнашыусылар араһынан 2018 йылда уҙғарыласаҡ Ҡышҡы Олимпия уйынына ике ирекмән һайлап алынасаҡ.