Киләһе уҡыу йылында Өфө мәктәптәренә 113 мең уҡыусы барасаҡ. Уҙған йыл менән сағыштырғанда, был һан биш меңгә артҡан. Ә шуларҙың ун өс меңдән ашыуы – беренсе кластар.

Әйткәндәй, әле Өфөлә 404 белем биреү ойошмаһы эшләй. Шулар араһында – 120 мәктәп, 9 белем биреү үҙәге, 228 балалар баҡсаһы һәм 47 өҫтәмә белем биреү учреждениеһы. Уларҙа ун мең тирәһе педагог иҫәпләнә.
Шуны ла әйтергә кәрәк: әлеге мәлдә йәнә өс мәктәп төҙөлөп ята. Уларҙа ике мең ярымдан ашыу баланың уҡыуы көтөлә.