Ҡытай Халыҡ Республикаһында 17 июнгә тиклем “Янцзы-2017” Рәсәй-Ҡытай форумы уҙа. Унда Рәсәйҙең төрлө төбәктәренән 180 кеше ҡатнаша.
Делегацияла беҙҙең республиканан да вәкилдәр бар: Йәштәр сәйәсәте һәм спорт министрлығы ярҙамы менән Башҡорт дәүләт университетынан ун студент ебәрелде. Уҡыу йортоноң тормошонда ҡайнап йәшәгән йәштәр юлға сығыр алдынан министр урынбаҫары Руслан Хәбибов менән осрашты. Йәштәр барыһы ла инглиз һәм ҡытай телендә аралаша. Улар форумға мәҙәни бүләк йөҙөнән ҡытай телендә йыр һәм башҡорт бейеүен әҙерләгән.