Никахты теркәү эшен хәҙер дәүләт хеҙмәтенең электрон порталы аша ла хәл итергә мөмкин. Шулай уҡ унда тыуыуҙы, үлемде, уллыҡҡа алыуҙы теркәүгә ғариза яҙырға мөмкин.
Ғаризаны тапшырыр өсөн тәүҙә махсус бланк формаһын тултырыу, кәрәкле мәғлүмәттәрҙе индереү талап ителә. Был хеҙмәткә түләү өсөн 2019 йылға тиклем 30 процент ташлама ҡаралған. Мәҫәлән, никахты теркәү 350 урынына 245 һумға ғына төшәсәк. 1 июндән генә башлап эшләүенә ҡарамаҫтан, ошо арала ғына был уңайлыҡтан республикабыҙҙың йөҙгә яҡын кешеһе ҡулланған.