17 июндән алып һәр шәмбе “Өфө –Шүлгәнташ” маршруты буйынса экскурсия автобустары йөрөй башлай. Автобустар баш ҡаланан – иртәнге биштә, ә ҡайтыу яғына киске сәғәт алты-етеләрҙә ҡуҙғала. Юл арауығы дүрт сәғәт ярым ваҡытты ала.
Автобустар алтмыш урынлыҡ. Маршрут төньяҡ Уралдың иң матур урындарынан үтә. Ә Бөрйән районында сәйәхәтселәргә Шүлгәнташ менән Умартасылыҡ музейҙарын ҡарарға тәҡдим ителә. Яҡынса хаҡы әлегә ике мең һум тип билдәләнгән.