Ошо көндәрҙә Парижда милли һабантуй байрамы уҙҙы. Европа үҙәгенең Марс майҙансығында барған ярыштарҙы, шул иҫәптән милли көрәш бәйгеһен, концерт тамашаларын, ҡурайҙа уйнағандарын Эйфель башняһынан күҙәтергә мөмкин булған.
Һабантуйға рәсәйлеләрҙән тыш Үзбәкстан, Тажикстан һәм Эстония вәкилдәре лә килгән. Ҡунаҡтарҙы иһә ҡаланың мэры Анн Идальго тәбрикләгән. Артабан милли һабантуйҙарҙың Швейцарияла, Литвала ла уҙғарылыуы көтөлә.