Урыҫ география йәмғиәтенең һәм “Рәсәй ҡотҡа­рыу­сылар союзы” Дөйөм Рәсәй йәмәғәт ойошма­һы­ның Башҡортостан төбәк бүлексәләре менән Баш­ҡортостандың Авария-ҡотҡарыу хеҙмә­те “Урал барыҫы” проектының башланыуын иғлан итте.
Сара туризмды, халыҡтың экологик мәҙәниәтен үҫтереүгә булышлыҡ итәсәк, унда 18 йәше тулған һәм физик әҙерлеге булған һәр кеше лә ҡатнаша ала. Төр­көм­дәрҙең туризм өсөн кәрәк-ярағы, махсус кейемдәре булырға тейеш. Унан тыш тағы ла ҡасан һәм ҡайһы яҡҡа юлланыуын, ҡайтыу ваҡытын Башҡортостандың Авария-ҡотҡарыу хеҙмәтенә хәбәр итергә кәрәк.
Проектҡа айырым туҡталғанда, ул ике этаптан тора. Береһе – Көньяҡ Уралдың ете түбәһенә менеү, икенсеһе – махсус маршруттарҙы үтеү. Һөҙөмтәләр буйынса ҡатна­шыу­сыларға “7 түбә” жетондары һәм “Урал барыҫтары” билдәләре биреләсәк.