Башҡортостан Башлығы Рөстәм Хәмитов “Өфө” футбол клубы командаһының уйынсылары, тренерҙары һәм етәкселәре менән осрашып, миҙгелде уңышлы тамамлауҙары менән ҡотланы.
Рәсәй Премьер-лигаһының 30-сы турында “Өфө” футболсылары Екатеринбургтың “Урал”ын 1:0 иҫәбенә еңеп, турнир таблицаһының етенсе баҫҡысын биләне. Ә ете – халҡыбыҙ өсөн изге һан.
– Яҡшы һөҙөмтәгә ирешеүегеҙ менән ҡотлайым. Был – тарихи ҡаҙаныш, – тине Рөстәм Хәмитов. – Хәҙер яулаған үрҙе тоторға кәрәк. Киләһе миҙгелдә тағы ла юғарыраҡ һөҙөмтәләргә ирешер өсөн бөтә мөмкинлектәр ҙә бар, ныҡышмалы рәүештә эшләргә генә кәрәк. Команда алға барһын өсөн беҙ бар көстө һаласаҡбыҙ.