Еңеү көнөндә баш ҡалабыҙҙа Дан аллеяһына нигеҙ һалынасаҡ.
Республика халҡы Башҡортостандың баш ҡалаһында ошондай аллея булдырыу хоҡуғын алыу өсөн дәррәү тауыш бирҙе. Тауыш биреү мегаполистар, уртаса һәм бәләкәй ҡалалар ингән өс категория буйынса уҙғарылды. Еңеүселәр тәүге биш төбәк иҫәбенә инергә тейеш ине. Өфө бишенсе баҫҡысты яуланы. Уның өсөн 64 727 кеше тауыш биргән. Ҙур ҡалалар араһында еңеүселәр иҫәбендә шулай уҡ Мәскәү (171035), Санкт-Петербург (99356), Ҡазан (66961), Тула (65844) бар.