Башҡортостан Милли музейында “Йәйә һәм уҡтар: мезолиттан алып Яңы заманға тиклем” күргәҙмәһе асылды. Унда һөйәктән, саҡматаштан, бронзанан һәм тимерҙән яһалған уҡ-һаҙаҡтарҙы, башаҡтарҙы, йәйәләрҙе күрергә мөмкин.
Урта быуаттарҙағы һуғышсының һәм рус армияһының 1813 – 1814 йылдарҙағы сит ил походтарында ҡатнашҡан башҡорт яугире – “төньяҡ амуры”ның һуғыш ҡоралдары күп­тәр­ҙә ҙур ҡыҙыҡһыныу тыуҙырыр, моғайын. Бында уҡ һәм йәйәнең үҙенсәлектәре, борондан алып ХIХ йөҙ йыллыҡҡа тиклем уларҙы етеш­тереү һәм ҡулланыу технологияһы хаҡында мәғлүмәт алырға була.
Күргәҙмәнең нигеҙен Башҡортос­тан Республикаһы Милли музейы һәм “Айыу ихатаһы” тарихи реконструкция клубы коллекцияһы тәшкил итә.