Ямғыр яуыуға ҡарамаҫтан, уҙған шәмбе республикабыҙҙа экологик өмәләр үтте.
8 апрелдә башланған ошондай сараларҙа 182 меңгә яҡын кеше ҡатнашҡан. Полигондарға һәм сүплектәргә биш мең тонна­нан ашыу сүп-сар сығарылған, байтаҡ ағас, ҡыуаҡлыҡтар ултыр­тылған. Экологик өмәләр артабан да дауам итә. Республика Тәбиғәттән файҙаланыу һәм экология министрлығының матбуғат хеҙмәтенән хәбәр итеүҙәренсә, әле биләмәләрҙең 17 проценты таҙартылған һәм төҙөкләндерелгән.