Фехтование буйынса ил чемпионатында Башҡортостан спортсылары уңышлы сығыш яһаны. Ир-егеттәр йыйылма командаһы алтын миҙал яуланы. Команда составына Тимур Сафин, Тимур Арыҫланов, Роман Куц һәм Асҡар Хәмзин инде. Турнир финалында “алтын” өсөн Тимур Сафин менән Тимур Арыҫланов көс һынашты. Алыш Рио-де-Жанейролағы Олимпия уйындарының бронза призеры һәм чемпионының еңеүе менән тамамланды. Өсөнсө урында республикабыҙҙың тағы ла бер вәкиле – Искәндәр Әхмәтов.
Ҡатын-ҡыҙҙар араһында финалда Инна Дериглазова менән яҡташыбыҙ Анастасия Иванова осрашты. Ҡыҙғанысҡа ҡаршы, Настя Олимпия чемпионын еңә алманы. Өсөнсө урында – Башҡортостандан Аделина Заһиҙуллина һәм Татарстандан Аделя Абдрахманова. Республикабыҙҙың гүзәл заттар командаһы бронза награда яуланы.