Баш ҡалабыҙҙа Ғата Сөләймәнов исемендәге республика ҡурай байрамына әҙерләнеү маҡсатында оҫталыҡ дәрестәре ойошторолдо.
Семинар эшендә Рәсәйҙең һәм Башҡортостандың атҡаҙанған мәҙәниәт хеҙмәткәре, Башҡортостан Республикаһының халыҡ артисы, С. Юлаев исемендәге дәүләт премияһы лауреаты Юлай Ғәйнетдинов ҡатнашты. Ул ҡурайҙың тарихы тураһында һөйләне, сарала ҡатнашыусыларҙы оҫта ҡурайсылар, йыраусылар менән таныштырҙы.
Республика халыҡ ижады үҙәгенең бүлек етәксеһе Эльвира Әхмәтйәнова Ғата Сөләймәнов исемендәге ҡурай байрамын үткәреү шарттары тураһында һүҙ алып барҙы. Быйыл улар бер аҙ үҙгәргән. Элегерәк урта махсус һәм юғары уҡыу йорттары сту­денттары конкурсты билет буйынса үтһә, быйыл иһә улар бәй­гелә дөйөм нигеҙҙә ҡатнаша. Ҡурай буйынса урта һәм юғары һөнәри белем тураһында дипломы булған 16 йәштән өлкәнерәк башҡарыусылар көйҙө билет буйынса башҡара.