Боҙҙа мотоуҙыш буйынса Европа чемпионы, боҙ спидвейы буйынса донъяның иң оҫта спортсыһы, яҡташыбыҙ Николай Красников тағы ла бер мотоспорт төрөндә — ҡаргиҙәрҙә кросс буйынса наградалар йыйылмаһын тулыландырҙы. Ул икенсегә Рәсәйҙең Мотоспорт федерацияһы чемпионы исемен яуланы.
Февралдә үк башланып, апрель башында тамамланған дүрт этаплыҡ ярышта Ғ. Ҡадиров исемендәге үҙәк уҙышсыһы, ете урауҙың дүртеһендә еңеп, 166 мәрәй яуланы. Яңы Уренгойҙан Никита Богомолов, унан 30 мәрәйгә ҡалышып, икенсе урынды алды. Өсөнсө баҫҡыста – Төмәндән Николай Грачев.
Николай Красников ҡаргиҙәр спортына ике йыл элек килгәйне. Күп тә үтмәй ул Рәсәйҙең Мотоспорт федерацияһы чемпионы булды һәм кубок яуланы.