Өфөләге “Йәнһүрәттәр” фестивале Рәсәй анимацияһы көнөнә саҡыра. Байрам 6 апрелдә “Родина” кинотеатрында үткәрелә.

Анимациялы фильмдар төшөрөү менән ҡыҙыҡһынған һәр кеше оҫталыҡ дәресенә килә ала. Кинотеатрҙа шулай уҡ күңелле викториналар, уйындар ойошторола, анимациялы фильмдар күрһәтелә. Һәр кем Рим Шәрәфетдиновтың “Атайым – клоун” анимациялы фильмын ҡарау мөмкинлегенә эйә. Байрамды Башҡортостан Кинематографистар союзы ойоштора.