Республикабыҙҙа етештерелгән сувенир продукцияһы Франциялағы күргәҙмәгә ҡуйылды. Рәсәй төбәктәренең мәҙәни күп төрлөлөгөн һәм үҙенсәлеклелеген сағылдырған “Рәсәй сувениры” халыҡ кәсептәре һәм шөғөлдәре күргәҙмәһе Париждағы Рәсәй рухи-мәҙәни православие үҙәгендә ойошторолдо.
Экспозицияларға Башҡортос­тан, Дағстан, Карелия, Коми, Хакасия, Сыуашстандан, Әстрхан, Рязань, Липецк, Мәскәү һәм Тула өлкәләренән традицион кейем-һалым, баш кейемдәре, сигелгән әйберҙәр, музыка ҡоралдары, уйынсыҡтар, көнкүреш әйберҙәре ҡуйылды.
– Халыҡ кәсептәре Рәсәйҙең һәр төбәгенең тарихын, йолаларын, үҙенсәлектәрен сағылдыра. Региондарыбыҙҙың барыһы ла ошо йолаларҙы ҡәҙерләп һаҡлай һәм быуындан быуынға тапшы­ра, – тине күргәҙмәне асыу тан­та­наһында Рәсәй Мәҙәниәт ми­нистр­лығының Туризм һәм төбәк сәйәсә­те департаменты директоры Ольга Ярилова. – Күргәҙ­мә­лә йөҙ йыл­лыҡ, шулай уҡ боронғо технология­лар буйынса ҡайтанан эшләнгән экспонат­тарҙы ла күрергә мөмкин.