Республикабыҙ һөт етештереүҙе арттырыуға өлгәшкән 22 төбәк иҫәбенә инде.Рәсәйҙең Иҫәп палатаһы 2015 – 2016 йылдарҙа һөт тармағында импортты алмаштырыуға йүнәлтелгән сараларҙы тормошҡа ашырыу һөҙөмтәлелеген тикшереүгә йомғаҡ яһаны. Тикшереү күрһәтеүенсә, 2015 йылда алты төбәк һөт етештереүҙе биш проценттан ашыуға арттырған, тағы ла биш субъектта һыйыр малы һаны күбәйгән.
Халыҡтан һорау алыу барышында асыҡланыуынса, рәсәйҙәрҙең күпселеге һөт ризыҡтары сифатынан ҡәнәғәт. Уларҙың 33 проценты үҙҙәренең төбәгендәге һөттө яҡшы, 7,6 проценты – бик яҡшы, 37 проценты ҡәнәғәтләнерлек тип баһалаған. Шул уҡ ваҡытта ил халҡының 22 проценты уның сифатынан ҡәнәғәт түгел.