Башҡортостандың Контроль-иҫәп палатаһы уҙған йылға йомғаҡ яһаны. Был йәһәттән тикшереү һәм эксперт-аналитик сараларҙың һөҙөмтәләре Башҡортостан Башлығына, Дәүләт Йыйылышы – Ҡоролтайға, Республика Хөкүмәтенә ебәрелгән.
Шуны билдәләргә кәрәк: Контроль-иҫәп палатаһы тарафынан бюджет өлкәһендәге ҡануниәтте боҙоуҙы кисектереү эше көсәйтелгән. Төп иғтибар бюджетты үтәү процесын камиллаш­тырыуға, эске контролде ойоштороуға, дәүләт милке менән файҙалы идара итеүгә йүнәлтелгән.
Ултырышта билдәләнеүенсә, республика бюджетына килтерел­гән зыянды ҡаплау, ҡануниәтте боҙоуҙа ғәйепле вазифалы ке­ше­ләрҙе яуапҡа тарттырыу, фашланған енәйәт һәм етешһеҙ­лектәрҙе бөтөрөү буйынса саралар ҡабул итеү өсөн 86 тәҡдим яһалған. Уларҙы бойомға ашырыу аҙаҡҡаса контролдә тотоласаҡ. Әйткәндәй, Контроль-иҫәп палатаһының протокол төҙөү хоҡуғы бар. Был йәһәттән 69 вазифалы кеше – админис­тратив, 105 ке­ше дисциплинар яуаплылыҡҡа тарттырылған, ә етәүһе эшенән бушатылған. Һалынған штрафтарҙың дөйөм суммаһы 1,1 миллион һум тәшкил итә.