Өфөлә ретро-автомобилдәр музейы ойошторолоуы ихтимал. Ҡала Советы депутаты Артур Хажиғәлиев ошондай башланғысты тәҡдим итте.
– Музейҙа автомобилдәр экспозиция­һын булдырырға ниәт бар. Унда та­ныл­ған сит ил машиналары өлгөләре лә ҡуйыласаҡ, – тине депутат. – Беҙҙә те­лә­­һә ниндәй конструкцияны йыйыу мөм­кинлеге бар. Был эште машина­ларҙы йүнәтеү менән шөғөлләнгән оҫта механиктар атҡарыр ине.
Әле Артур Хажиғәлиев һәм уның фекерҙәштәре ҡулай майҙансыҡ эҙләй. Ул табылыу менән автотехника берә­мектәре һатып алынасаҡ, төҙөклән­дереләсәк. Әйтеүҙәренсә, энтузиастар ҙа, аҡса ла бар, теләк кенә кәрәк.
Экспозицияны республиканың 100 йыл­лығына асыу күҙаллана.
– Бындай музей бер яҡтан барыһы өсөн ҡыҙыҡлы тарихи белешмә булһа, икенсе яҡтан туристарҙы йәлеп итеү сараһына әүереләсәк, – тигән фекерҙә депутат.