Республика Башлығы бойороғо менән Илгиз Ҡыҙырғолов Башҡортостан Республикаһы Башлығы ҡарамағындағы Башҡортостан дәүләт хеҙмәте һәм идара итеү академияһы ректоры итеп тәғәйенләнде.
Илгиз Раян улы Ҡыҙырғолов 1976 йылда Ишембай районының Байғужа ауылында тыуған. Башҡорт дәүләт университетын тамамлаған. Физика-математика фәндәре докторы.
Хеҙмәт эшмәкәрлеген 2001 йылда Башҡорт дәү­ләт университетының теоретик физика кафед­ра­һын­да ассистент булып башлай. 2003 – 2006 йыл­дарҙа ошо уҡ кафедрала өлкән уҡытыусы, доцент, Баш­ҡортостан Хөкүмәте Аппаратының мәғариф һәм фән бүлегендә баш белгес булып эшләй. 2006 – 2010 йылдарҙа – З. Биишева исемендәге Стәрлета­маҡ дәүләт педагогия академияһының уҡытыу эше һәм йәмәғәтселек менән бәйләнеш буйынса проректоры, Башҡортостан Мәғариф министрлығы ҡара­мағын­дағы Мәғариф өлкәһен контролдә тотоу һәм күҙәтеү буйынса идаралыҡ начальнигы. 2010 – 2012 йыл­дар­ҙа Башҡорт дәүләт университетының Стәр­ле­тамаҡ филиалы директоры була, шулай уҡ З. Бии­ше­ва исемендәге Стәрлетамаҡ дәүләт педагогия ака­демияһы ректоры вазифаһын башҡара. 2012 – 2017 йылдарҙа – Башҡорт дәүләт универ­си­тетының уҡытыу һәм тәрбиә эше буйынса проректо­ры, университеттың Нефтекама филиалы директоры.