Башҡортостанда Совет һалдатына арналған иҫтәлекле обелиск һәм ике скульптур композиция барлыҡҡа киләсәк. Уларҙы финанслау Рәсәй хәрби-тарихи йәмғиәтенең 2017 йылғы планына индерелгән.Республиканың Мәҙәниәт министрлығынан хәбәр итеүҙәренсә, объекттарға нигеҙ һалыу һәм тирә-яғын төҙөкләндереү төбәк бюджеты иҫәбенә тормошҡа ашырыласаҡ. Һәйкәлдәр Совет һалдаты фигураһынан һәм ике пилондан торасаҡ. Улар Ҡырмыҫҡалы ауылында һәм Ишембай ҡалаһында урынлашасаҡ. Иҫтәлекле обелискты иһә Өфө районының Авдон ауылында асыу күҙаллана. Эштәрҙең авторы – яҡташыбыҙ, Рәсәй скульптор-монументалисы, архитектор Денис Стритович.