Сабый күңеле хаҡындағы ябай ҙа һәм уйландырғыс та яҙмалар менән танышырға, балалар донъяһындағы яҡтылыҡты күрергә теләһәгеҙ, Зәки Вәлиди исемендәге Милли китапханаға рәхим итегеҙ.
“Бала йөрәге һәм хыялдары” тип аталған күргәҙмә Өфө рәссамы Динә Шәрипова менән фотохәбәрсе Светлана Яҡупова тарафынан әҙерләнгән. Экспозицияла төрлө илдәрҙә төшөрөлгән балаларҙың сағыу фотолары һәм билдәле гуманист, яҙыусы һәм рәссам Шри Чинмойҙың кескәйҙәр хаҡында яҙған афоризмдары урын алған. Фотолар аҫтындағы тәрән фәлсәфәле яҙмаларҙың инглиз, рус һәм башҡорт телендә бирелеүе күргәҙмәгә үҙенсәлекле төҫ бирә.
Күргәҙмә мартҡа тиклем эшләйәсәк.