Стәрлетамаҡ ҡоролтайы былтыр 1 мартты Мөхәббәт һәм тоғролоҡ байрамы тип иғлан иткәйне. Быйыл Бөтә донъя башҡорттары ҡоролтайы менән берлектә “Етегән” конкурсын башланы. Бәйгенең маҡсаты – мәңгелек, дөйөм кешелек ҡиммәттәрен — мөхәббәтте һәм тоғролоҡто һаҡлау, ғаилә ҡиммәттәрен нығытыу, үҫеп килгән йәш быуында һәм йәштәрҙә рухи-әхлаҡи ҡиммәттәр тәрбиәләү.
Конкурс 23 ғинуарҙан 20 февралгә тиклем үткәрелә һәм унда теләгән һәр кем ҡатнаша ала. Һөйөү тураһында шиғырҙар, башҡорт телендәге открыткалар һәм флаерҙар, “Мөхәббәт йыры” (дуэт), бейеү (дуэт), “Беренсе мөхәббәт” темаһына ҡыҫҡа метражлы фильм, “Мәңгелек мөхәббәт” фотоһүрәттәр конкурсы һәм флешмоб кеүек номинациялар ҡаралған.
Эштәр 20 февралгә ҡәҙәр [email protected] элек­трон почтаһына ҡабул ителә. Тулыраҡ мәғлүмәтте кон­курс­тың рәсми төркөмөндә ҡарарға мөмкин: https://vk.com/event138017918.