Быйыл Башҡортостанда Бөтә донъя башҡорттары ҡоролтайы бүләгенә спартакиада уҙғарыла. Был хаҡта Ҡоролтайҙың Башҡарма комитеты рәйесе урынбаҫары Велмир Аҙнаев йәштәр сәйәсәте һәм спорт буйынса комиссия ултырышында белдерҙе.
Спартакиада йыл дауамында барасаҡ һәм, милләтенә, йәшенә ҡарамай, тотош ауыл һәм ҡалалар халҡын йәлеп итергә тейеш. Ярыштарға саңғы, волейбол һәм футбол кеүек классик уйындар ҙа, башҡорт милли спорт төрҙәре — уҡ атыу менән көрәш тә инәсәк.