Мишкә ауылындағы 1-се лицей Башҡортостандың халыҡ яҙыусыһы, Рәсәйҙең әҙәбиәт һәм сәнғәт өлкәһендәге дәүләт премияһы, Башҡортостандың Салауат Юлаев исемендәге дәүләт премияһы лауреаты, республиканың атҡаҙанған сәнғәт эшмәкәре Флорид Бүләковтың исемен йөрөтә башланы.
Лицей директоры Евгений Малмыгин әйтеүенсә, белем усағына Флорид Бүләковтың исемен бирергә Мишкә районы хакимиәте тәҡдим ит­кән. Иҫтәлекле ваҡиғаға яҙыусының яҡындары, хеҙ­мәт­тәштәре, Башҡортостандың Яҙыусылар союзы ағзалары, район хакимиәте етәкселеге килде. Тантана­ла уҡыусылар әҙиптең әҫәрҙәренән өҙөктәр уҡыны, концерт ҡуйҙы.