Башҡортостан юлдаш телевидениеһы Силәбе өлкәһенең Ҡоншаҡ районында бер аҙ өҙөклөктән һуң тапшырыуҙарын ҡайтанан башланы.
Хәҙер Ҡоншаҡтағы башҡорттар республикабыҙҙағы көнүҙәк ваҡиғалар менән таныша, урындағы телевидение яңылыҡтарын Башҡортостан юлдаш телевидениеһы каналында ҡарай ала, тип хәбәр иттеләр республиканың Силәбе өлкәһендәге вәкиллегенән. Әлегә тиклем Ҡоншаҡ районында телеканал тапшырыуҙарын ҡайтанан күрһәтә башлауҙы үтенеп район хакимиәтенән дә, башҡорттар ҡоролтайынан да, башҡа йәмәғәт ойошмаларынан да Башҡортостан етәкселегенә мөрәжәғәттәр күп булды. Һөҙөмтәлә муниципалитет башлығы БЮТ каналы етәкселеге менән тапшырыуҙарҙы 2017 йылдан башлау тураһында килешеү төҙөнө. 1 ғинуарҙан Ҡоншаҡ халҡы яратҡан каналын ҡайтанан ҡарау мөмкинлегенә эйә булды.