Бөгөн республиканың Милли музейында “Башҡортостандың тәбиғәт ҡомартҡыһы” фотокүргәҙмәһе асыла.
Күргәҙмә Экология һәм махсус һаҡланған тәбиғәт биләмәләре йылына, Рәсәйҙә ҡурсаулыҡтар системаһының 100 йыллығына арнала. Фотоларҙа Уралдағы иң ҡатмарлы һәм оҙон Ҡотоҡ-Сумған мәмерйәһен, Күперле шарлауығын, карст күперен, Нөгөш һәм Йомағужа һыу һаҡлағыстарын, “Башҡортостан” милли паркының гүзәл тәбиғәтен, башҡа бик күп иҫтәлекле урындарҙы күрергә мөмкин.