Башҡортостанда ер һөрөү буйынса Рәсәйҙең асыҡ чемпионаты үткәрелә. Республика Хөкүмәте Премьер-министры Рөстәм Мәрҙәнов ошо туралағы бойороҡҡа ҡул ҡуйҙы.
Документҡа ярашлы, быйыл июнь-июль айҙарында төбәктә тупраҡты эшкәртеү оҫталығы буйынса Бөтә Рәсәй механизаторҙар ярышы уҙғарыла. Ойоштороу комитетына Башҡортостандың Ауыл хужалығы министрлығы менән берлектә Өфө районы биләмәһендә чемпионатты үткәреү саралары планын төҙөргә тәҡдим ителде.