Өфөлә “Бурыслы” операцияһы башланды. Ул 24 декабргә тиклем дауам итә.
Баш ҡалалағы дәүләт автоинспекцияһынан хәбәр итеүҙәренсә, штраф ҡарар законлы көсөнә ингәндән алып 60 көн эсендә түләнергә тейеш. Билдәләнгән ваҡытта түләнмәгән осраҡта бурыс икеләтә арта. Шулай уҡ ғәйеплене 15 тәүлеккә тиклем административ ҡулға алыу кеүек яза сараһы ла ҡулланылыуы ихтимал.
Әйткәндәй, юл ҡағиҙәһен боҙған автоһәүәҫкәрҙәр ошо турала ҡарар сыҡҡан мәлдән 20 көн эсендә штрафты 50 процент күләмендә генә түләү мөмкинлегенә эйә.