Тиҙҙән Өфөлә Миҙхәт Шакиров исемендәге сквер барлыҡҡа киләсәк. Яҡташыбыҙҙың исемен йөрөтәсәк сквер баш ҡаланың Киров районындағы Дорофеев һәм
Коммунистик урамдары киҫелешендә урынлаша.
Өфө ҡала Советы ултырышында Башҡортос­тан алдындағы ҙур ҡаҙаныштары һәм лайыҡлы хеҙмәте булған шәхестең иҫтәлеген мәңге­ләштереү тураһындағы ҡарар ҡабул ителде. Скверҙы асыу танылған дәүләт һәм йәмәғәт эшмәкәренең тыуыуына 100 йыл тулыуға арнала.