Хөкүмәт йортонда Социаль-хеҙмәт мөнәсәбәттәрен көйләү буйынса республика комиссияһының өс яҡлы ултырышы үтте.
Тәүҙә “Рәсәйҙең юғары социаль һөҙөмтәле ойошмаһы” тигән Бөтә Рәсәй конкурсының төбәк этабы еңеүселәрен бүләкләү тантанаһы булды. Башҡортостан Хөкүмәте Премьер-министры урынбаҫары Салауат Сәғитов билдәләүенсә, эш биреүсенең яуаплылығына күп нәмә бәйле – өлгәшелгән һөҙөмтә юғары була, ойошманың абруйы күтәрелә.
“Эш урынында йәрәхәт алыуҙы һәм произ­водствоға ҡарамаған өлкә ойошмаһында һөнәри ауырыуҙарҙы кәметеү” номинацияһында беренсе урын “Бәләбәй ҡала электр селтәрҙәре” яуап­лы­лығы сикләнгән йәмғиәтенә, икенсе урын – “Йоматау” шифаханаһына һәм өсөнсө урын “Стәрлетамаҡ троллейбус идаралығы” муниципаль унитар предприятиеһына бирелде. Ә “Производство өлкәһенә ҡараған ойошмала социаль партнерлыҡты үҫтереү өсөн” номинацияһында “Под­земнефтегаз” йәмғиәте беренсе урынды алды, “Медтехника” предприятиеһы һәм “Башҡорт әйҙәүсе компанияһы” йәмғиәтенең “Стәрлетамаҡ ТЭЦ” филиалы икенсе һәм өсөнсө урындарҙы бүлеште. Шулай уҡ бер нисә ойошма дипломдар менән бүләкләнде.
Артабан кәңәшмәлә социаль-хеҙмәт мөнәсә­бәт­тәрен көйләү өлкәһендәге көнүҙәк мәсьәләләр тикшерелде.