15 ноябрҙә Башҡорт дәүләт университетында “Кешеләр, мәҙәниәт, арауыҡ: Евразия донъяһының ижтимағи-мәҙәни динамикаһы” исемле Бөтә Рәсәй ғилми-ғәмәли конференция үтәсәк. Сара профессор һәм этнограф Рим Йәнғужиндың яҡты иҫтәлегенә бағышлана.

Әйткәндәй, Рим Зәйнәғәбит улы – 15-ләп монография, 300-ҙән ашыу ғилми хеҙмәт яҙған этнограф, Рәсәй Федерацияһының һәм Башҡорт­остан Республикаһының атҡаҙанған мәғариф эшмәкәре, юғары профессиональ белем биреүҙең почетлы хеҙмәткәре, Башҡорт дәүләт университе­тының почетлы профессоры исемдәрен яулаған хөрмәтле шәхестәребеҙҙең береһе.
Конференцияның йүнәлештәр теҙмәһенә күҙ һалһаҡ, унда: “Р.З. Йәнғужин – ғалим һәм ғилемде ойоштороусы”, “Башҡорттарҙың тарихы һәм этно­логияһы”, “Евразия халыҡтарының ижтимағи-мәҙә­ни юҫыҡтағы этник яҡтан оҡшашлығы” кеүек эштәрҙә ҡатнашыу мөмкинлеге бар. Сараны Баш­ҡорт дәүләт университеты, Башҡортостан Рес­публи­каһының Фәндәр академияһы, Бөтә донъя башҡорттары ҡоролтайы, университеттың тарих факультеты, Тарих, археология һәм этнография кафед­раһы, Р.З. Йәнғужин исемендәге Этнографик музей ойоштора. Унда Мәскәү, Ҡазан, Красноярск, Екате­ринбург кеүек ҡалаларҙан профессорҙың кол­легалары, тарихсылар, этнографтар ҡатна­шасаҡ.
Конференция Башҡорт дәүләт университетының физика һәм математика корпусында 400-сө аудиторияла, сәғәт 11-ҙә башлана. Шулай уҡ сараның икенсе көнө Стәрлетамаҡ районының Айыусы ауылында Беренсе Ватан һуғышының ҡаһарманы Ҡаһым түрәгә һәм Рим Зәйнәғәбит улына арналған “түңәрәк өҫтәл” булараҡ дауам итәсәк.