Йәш быуын күңелендә тарихҡа хөрмәт, илһөйәрлек тойғолары тәрбиәләү маҡсаты төрлө юлдар аша тормошҡа ашырыла. Мәҫәлән, быйылғы уҡыу йылында Өфөнөң 97-се мәктәбендә казак кластары асылды.

Белем усағында бындай йүнәлеш өс йыл элек, йәғни учреждениела спорт-патриотик клуб булдырылғас, башлана. Уны казактар ойоштора. Балалар клубта бушлай шөғөлләнә. Казак класы асыу тураһында һүҙ сыҡҡас иһә, унда эләгергә теләүсе­ләрҙән ҙур сират йыйыла.
Тупланған кластағы малай-ҡыҙҙар казак кителдәре кейгән, ант биргән. Ике ай эсендә хәрби эштең нигеҙен, шулай уҡ ҡул һуғышына өй­рәнеп өлгөргән улар. Уҡытыу про­граммаһы ғәҙәти кластарҙыҡынан күпкә айырыла. Һөҙөмтәлә бишен­селәр белемгә ынтылыуы ғына түгел, ә тәртипле, етди булыуы менән дә һоҡландыра.
– Бындай формала нисек йүге­реп, тыңлашмай йөрөмәк кәрәк? – ти, мәҫәлән, Әсғәт Йәһүҙин. – Баш­ҡа­ларға өлгө күрһәтергә тейешбеҙ. Иптәштәрем менән шундай ҡарарға килдек: мотлаҡ хәрби юлды һайлая­саҡ­быҙ. Мин махсус тәғәйенлә­нешле отрядҡа эләгергә хыялланам.