Башҡортостан Хөкүмәте ҡарамағындағы Шәһит Хоҙайбирҙин исемендәге премия буйынса комиссия сираттағы тапҡыр документтар ҡабул итеү хаҡында белдерә.
Положениеға ярашлы, премия 2014 йылдың сентябренән 2015 йылдың авгусына тиклемге осорҙа донъя күргән әҫәр­ҙәре өсөн айырым журналистарға, шулай уҡ уларҙың коллективтарына тапшырыла. Бәй­гелә ҡатнашыу өсөн комиссияға гәзит йә журнал редакцияһының, “Башҡортостан” те­лерадиокомпанияһы, урындағы теле-, радиостудия, мәғлүмәт агентлығы йәки баш­­ҡаларҙың хеҙмәт коллективы йыйылышы протоколын, автор хаҡында мәғлү­мәттәр күрһәтелгән хат, башҡа телдәрҙә баҫылып сыҡҡан әҫәрҙәргә урыҫ телендә аннотация, баҫылған әҫәрҙәрҙең төп нөсхәһен тапшырырға кәрәк.
Материалдар 1 сентябргә тиклем түбәндәге адрес буйынса ҡабул ителә: 450079, Өфө ҡалаһы, Октябрҙең 50 йыллығы урамы, 13, Башҡортостандың Журналистар союзы, 1007-се офис (Матбуғат йортоноң 10-сы ҡатында). Телефон (факс): (347) 276-42-66.