Янғын йәһәтенән хәүефле миҙгел башланғандан алып Башҡортостанда урман яныуҙың 23 осрағы теркәлгән. 86,33 гектар ер, шул иҫәптән 81,73 гектар урман уттан зыян күргән.
Күптән түгел генә Бөрйән районындағы Яңы Усман ауылынан 30 саҡрым алыҫлыҡта 0,15 гектар майҙанды ут ялмаған. Уның сәбәбе – йәшенле ямғыр, тип хәбәр иттеләр Башҡортостандың Урман хужалығы министрлығынан. Янғынды һүндереүгә алты кеше һәм ике берәмек махсус техника йәлеп ителгән.
Уҙған тәүлектә урман фонды биләмәһендә фажиғәләр теркәлмәгән.