Башҡортостан Хөкүмәте бойороғона ярашлы, 1—30 апрелдә республиканың төбәк һәм муниципаль-ара әһәмиәттәге автомобиль юлдарында ауыр йөк машиналары хәрәкәте ваҡытлыса сикләнә.
Ошондай уҡ сикләүҙәр йәй осоронда ла ҡарала. Улар, көндөҙгө һауа температураһы 32 градустан юғарыраҡ булған осраҡта, 1 июндән 31 авгусҡа тиклем ғәмәлдә буласаҡ. Башҡортостандың Юл хужалығы идаралығына ваҡытлыса юл билдәләре ҡуйыуҙы тәьмин итергә ҡушылды. Республиканың Транспорт һәм юл хужалығы буйынса дәүләт комитеты махсус рөхсәт ҡағыҙҙары әҙерләй.