Республика Хөкүмәте ҡарамағындағы комиссия журналистика өлкәһендә Шәһит Хоҙайбирҙин исемендәге премияны тапшырыу буйынса конкурста ҡатнашыу өсөн түбәндәге эштәрҙе һайлап алды:
1. Әнәс АРЫҪЛАНОВ, “Туймазинсий вестник” гәзитенең фотохәбәрсеһе. Төрлө темаға фотоэштәр серияһы өсөн.
2. Рөстәм Вахитов, БДУ доценты, публицист. “Бельские просторы” журналында баҫылған мәҡәләләр циклы өсөн.
3. Самат ҒӘЛИУЛЛИН, Ғафури районының “Табын” гәзитендә бүлек мөдире. Баҫмалағы “Сәйәси күҙәтеү” тигән даими авторлыҡ колонкаһы өсөн.
4. Мадриль ҒАФУРОВ, “Коммунист Башкортостана” гәзитенең баш мөхәррире. “Взрыв шаровой молнии” документаль повесы өсөн.
5. Юрий НЕСТЕРЕНКО, Стәрлетамаҡ районының “Сельская новь” гәзите фотохәбәрсеһе. “Земля и люди” серияһы өсөн.
6. Зәйтүнә НИҒӘМӘТЙӘНОВА, “Киске Өфө” гәзитенең ҡала тормошо бүлеге мөдире. “Теле булһа икән таштарҙың” китабы өсөн.
7. Рәдис НОҒОМАНОВ, “Өмет” гәзитенең баш мөхәррире, “Янырға икән — янырға...” китабы өсөн.
8. Айрат НУРМӨХӘМӘТОВ, “Башҡортостан” гәзитенең фотохәбәрсеһе. Замандаштарға арналған фотосериялар өсөн.
9. Людмила КАШАПОВА, “Молодежная газета” баҫмаһының бүлек мөдире. Социаль-иҡтисади темаға мәҡәләләр серияһы өсөн.
10. Зөлфиә РӘХМӘТУЛЛИНА, “Башҡортостан” телерадиокомпанияһы мөхәррире. “Телеүҙәк” программаһы һәм авторлыҡ тапшырыуҙары өсөн.
11. Галина СӘЛИХОВА, “Панорама Башкортостана” журналының яуаплы секретары. Халыҡтар дуҫлығы һәм милли мәҙәниәттәр байлығына арналған мәҡәләләре өсөн.
12. Ильяс ТАҠАЛОВ, Йылайыр районы “Ауыл уттары” гәзитенең баш мөхәррире. Ижтимағи-сәйәси, социаль-иҡтисади темаға мәҡәләләр шәлкеме өсөн.
13. Мәүлиә РӘХИМОВА (баш мөхәррир урынбаҫары), Эльза СКРИПЕЧЕНКО, Евгений ХОРМУШКО (хәбәрселәр) — “Учалинская газета” баҫмаһының авторҙар коллективы. Төбәктең социаль-мәҙәни тормошон, гражданлыҡ мәсьәләләрен, иҡтисади үҫешен яҡтыртҡан мәҡәләләре өсөн.
Конкурс материалдарын теләге булған һәр кем баһалай ала. Матбуғат биттәрендә, телевидение һәм радио тапшырыуҙарында йә иһә хат аша (адресы: 450076, Өфө ҡалаһы, Октябрҙең 50 йыллығы урамы, 13, 10-сы ҡат, Башҡортостандың Журналистар союзы) фекер белдерергә, тәҡдим индерергә һәм иҫкәрмәләр ебәрергә мөмкин. Эштәр 25 сентябргә тиклем ҡарала.