З-И малайҙар өсөн

Зиһат ғәр. — тотанаҡлы, тыйнаҡ
Зөбәй, Зөбәйҙулла ғәр. — иң һәйбәт
Зөбәйер // Зөбәир ғәр. — көслө, аҡыллы
Зөбәйт ғәр. — иң һәйбәт
Зөлҡәрнәй ғәр. — ҡуш мөгөҙлө (Александр Македонскийҙың ҡушаматынан); ҡара: Искәндәр
Зөлҡәфил ғәр. — ышаныслы
Зөлфәр фарс. — матур сәсле; дәртле
Зөлфәт фарс. — бөҙрә сәсле; дәртле
Зөфәр ғәр. — еңеүсе
Зыя ғәр. — нур, яҡтылыҡ
Зыязитдин ғәр. — дин нуры
Зәбиб ғәр. — йөҙөм; матур
Зәбиҙулла ғәр. — башлыҡ
Зәбир ғәр. — көслө, ныҡ; аҡыллы
Зәбих ғәр. — ҡорбан
Зәит ғәр. — үҫеүсе, артыусы
Зәйнетдин ғәр. — биҙәк; дин биҙәге
Зәйни ғәр. — биҙәк
Зәйнулла ғәр. — Аллаһ биҙәге, Аллаһтың яратҡаны
Зәйтүн ғәр. — көньяҡта үҫкән мәңге йәшел ағас атамаһынан
Зәки ғәр. — саф; зирәк
Зәкир ғәр. — иҫкә алыусы
Зәкәриә бор. йәһ., ғәр. — иҫтә ҡалған, иҫтәлек
Зәниф неол. — яңы исем (Хәнифтән үҙгәртелеүе мөмкин)
Ибне ғәр. — "улы" мәғәнәһендә исемдең бер өлөшө булып йөрөй
Ибнеислам ғәр. — ибне+Ислам; Исламдың улы
Ибрай ғәр. — Ибраһим исеменән ҡыҫҡартылған
Ибраһим бор. йәһ., ғәр. — халыҡтар атаһы (Библиялағы Авраам, Абраһам исеменән үҙгәртелгән)
Ибәт ғәр. — бүләк (Һибәт исеменән ҡыҫҡартылған)
Ибәтулла ғәр. — ибәт+улла; Аллаһ бүләге
Игебай бор. баш. — иге, яҡшы+бай (ир-ат исеме ялғауы)
Игелек бор. баш. — яҡшылыҡ
Иғдәүләт баш., ғәр. — иге+дәүләт; яҡшы дәүләт
Иҙел баш. — 1. йылға, ҙур йылға; 2. Иҙел йылғаһы буйында тыуғанын билдәләп ҡушылған исем
Иҙелбай баш. — Иҙел+бай
Иҙелғужа баш., фарс. — Иҙелдең хужаһы
Иҙрис ғәр. — өйрәнеүсе, уҡыусы
Изге фарс. — хөрмәт
Изах ғәр. — аңлатыу, асыҡлау
Иҡбал ғәр. — бәхет, уңыш
Иҡсан ғәр. — изгелек
Илбай баш. — ил+бай
Илбаҡты баш. — ил+баҡты; илен һаҡлаусы
Илбар баш. — иле бар
Илбарис баш., ғәр. — ил+барис (алдан күреүсе, аҡыллы; иленең аҡыллыһы)
Илбатыр баш. — иленең батыры
Илбул баш. — ил+бул (ил булып күбәйеп китһен тигән теләкте белдерә)
Илбәк баш. — ил ағаһы, ил хужаһы
Илгиз баш., фарс. — ил гиҙеүсе
Илгизәр баш., фарс. — сәйәхәтсе, ил гиҙеүсе
Илғужа баш., фарс. — иленең хужаһы
Илдар баш., фарс. — ил+дар; ил хужаһы; илен һөйөүсе
Илдус неол., баш., фарс. — илен һөйөүсе, һаҡлаусы
Илембәт баш., ғәр. — ил+өммәт; ил халҡы; бөтөн халыҡ
Илеш баш. — ил+иш; иленә иш
Илйән баш., фарс. — илдең, халыҡтың йәне
Илмир неол. — ил кешеһе
Илморат баш., ғәр. — ил+морат
Илмырҙа баш., фарс. — ил+мырҙа
Илназ неол., баш., фарс. — илдең наҙлыһы, иркә улы
Илназар баш., ғәр. — ил+назар (уй, ҡараш, иғтибар)
Илнар неол., баш. — халыҡтың танылған, данлы кешеһе
Илнур баш., ғәр. — ил нуры
Илсен баш. — иле бар, иле булған
Илсур баш. — ил батыры; ил дуҫы; ил башлығы
Илтенбай бор. баш. — ил+тен (эйәлек ялғауы)+бай; илле, иле бар
Илтимер баш. — ил+тимер
Илтуған баш. — ил+туған; ил улы
Илфаҡ неол. — Илфат исеменән үҙгәртелгән; дуҫлыҡ, берҙәмлек
Илфар неол. — данлыҡлы, билдәле
Илфир неол. — илдең данлыһы
Илфат ғәр. — дуҫлыҡ, берҙәмлек
Илһам ғәр. — дәрт, теләк; илһам
Илшат баш. — ил+шат (башлыҡ); ил башлығы

З-И ҡыҙҙар өсөн

Зәлиә фарс. — аҡ йөҙлө
Зәриә фарс. — зарығып, көтөп алған
Зәүжән ғәр. — кәләш
Зәүрә неол., ғәр. — нурлы (Зөһрә исеменән үҙгәртелгән)
Зәрә фарс. — ҡара: Зәриә
Иҙелбикә баш. — Иҙел+бикә
Илбикә баш. — ил ҡыҙы
Илгизә баш., фарс., неол. — ил гиҙә
Илһөйәр баш. — илен һөйәр
Илүсә // Илүзә неол. — уҙған быуаттың 30-сы йылдарында барлыҡҡа килгән (бәлки, ил+үҫә)
Инсебикә баш. — инселәнгән, тәғәйенләнгән
Ирада // Ираҙа неол., фарс. — теләк, ихтыяр көсө
Иркә баш. — иркә, ҡәҙерле бала
Иркәгөл баш., фарс. — иркә+гөл
Исемгөл неол., ғәр., фарс. — исеме гөл; гөл һымаҡ
Исменаз неол., ғәр., фарс. — исеме наҙлы
Иҫәнбикә баш. — иҫән+бикә (иҫән-һау булһын тигән теләктә ҡушыла)
Ишбикә баш. — иш+бикә (әсәһенә иш, ағай-апайына иптәш булһын тигән теләктә ҡушылған боронғо исем)
Ишсолтан бор. баш., ғәр. — иш+солтан (солтан, һолтан һүҙе борон ҡатын-ҡыҙ исемдәренә ҡушылған, аҙаҡ ир-ат исемдәренә күскән)
Ишһолтан баш., ғәр. — иш+һолтан (солтан)
(Дауамы бар).