70 йәшем тулыу айҡанлы юбилей кисәләрен ҙур байрамға әйләндереп ебәргәндәре өсөн Ейәнсура районы хакимиәтенә, уның мәҙәниәт, мәғариф бүлектәренә, район башҡорттары ҡоролтайына һәм башҡа йәмәғәт ойошмаларына, Иҫәнғол башҡорт гимназия-интернатына, Иҫәнғолдоң 1-се, 2-се, 3-сө урта мәктәптәренә, “Урман” йәмғиәтенә, Байдәүләт ауыл биләмәһе хакимиәтенә, Ибрай ауылы халҡына; юбилей кисәләренең бәҫен, мәртәбәһен күтәреп ҡотлағандары өсөн Башҡортостан Яҙыусылар союзына, республиканың Мәғариф министрлығына, Бөтә донъя башҡорттары ҡоролтайының башҡарма комитетына, республика гәзиттәре һәм журналдары редакцияларына, Башҡорт ҡатын-ҡыҙҙары йәмғиәтенә, Дәүләт Думаһы депутаты Сәлиә Мырҙабаеваға, БДУ-ның Стәрлетамаҡ филиалына, Әлшәй районы хакимиәтенә, Ф. Мостафина исемендәге 20-се Өфө ҡала башҡорт гимназияһына, Салауат, Күгәрсен райондары хакимиәттәренең мәғариф бүлектәренә, республикабыҙ мәктәптәренең “Тормош һабаҡтары” уҡытыусыларына, туғандарыма, һәр тарафтан килгән телеграмма авторҙарына һәм, әлбиттә, юбилей кисәләрен “халыҡ байрамы булды” тип баһаларлыҡ кимәлгә күтәргән Нәзирә Кәримоваға, ғөмүмән, район үҙәге китапханаһында эшләүсе барлыҡ хеҙмәткәрҙәргә ихлас рәхмәтлемен.
Юбилей кисәләрен оҫта итеп төшөрөп, “Юлдаш” телеканалынан күрһәткән журналистарға, операторҙарға оло рәхмәт. Шулай уҡ “Берҙәм Рәсәй” партияһының “Яҡташтар” проектында минең өсөн күп тауыш биреп, районда беренсе урынға сығарғандары өсөн ейәнсураларға ихлас рәхмәтемде белдерәм.