Республикабыҙҙың Зәки Вәлиди исемендәге Милли китапханаһында (Өфө ҡалаһы, Октябрь революцияһы урамы, 10) “Билдәле башҡорт рәссамдарының билдәһеҙ хеҙмәттәре” исемле күргәҙмәһе асылды.

Төрлө сәбәп арҡаһында танылған ижадсыларҙың был әҫәрҙәре ошоғаса халыҡ хөкөмөнә тәҡдим ителмәгән булған. Экспозицияла шәхси коллекциялағы 40 хеҙмәт урын алған.
Күргәҙмәгә килеүселәр Әхмәт Лотфуллин, Александр Пантелеев, Александр Бурзянцев, Александр Тюлькин, Анатолий Лежнев, Алексей Кузнецов, Әмир Арыҫланов кеүек рәссамдарҙың ижад емештәре менән танышасаҡ.
Зәки Вәлидиҙең үҙе иҫән саҡта уҡ эшләнгән портреты бында төп урынды биләй. Тамашасылар шулай уҡ ошо рәсемдең нисек төшөрөлөүе хаҡында ла беләсәк.
Күргәҙмә 31 ғинуарға тиклем дауам итә.