Түҙәм!.. Түҙәм!..
Теште ҡыҫам:
Минең башҡа юлым юҡ.
Барыһына ҡулды һелтәп,
Сигенергә
Тылым юҡ.

Ҡамауҙа ҡалдым.
Ҡамауҙа.
Төрлө яҡтан аталар.
Шартлай, йөрәкте яралап,
Мина булып
Хаталар.

Яраларҙан йән ҡанһырай:
"Санитарҙар,
Ҡайҙа һеҙ?!"
Үҙем ямайым ярамды —
Ярҙам көтөү
Файҙаһыҙ.

Юғалттым мин...
Аһ, юғалттым
Ҡеүәт бирер
Тылымды.
...Әсирлеккә төшмәм ләкин (!),
Күтәрмәмен
Ҡулымды.

Салауат Әбүзәров