Ҙурайғандан-ҙураям мин,
Буй етмәҫлек оломон.
Йөҙөм менән йырып үтәм
Болоттарҙың толомон.

Айға яңлыш башты бәреп
Ҡуймайым, тип ялтанам.
(Уны сарлап торалар бит —
Үткер хатта балтанан).

Түбәндә — аяҡ аҫтында
Емелдәп яна уттар.
Һәм ары-бире үткеләп,
Йөрөйҙәр лилипуттар.

Ә ҡолаҡты елдәр түгел,
Иркәләй һөйөү йыры.
...Бөгөн йәрем: "Һөйәм!" — тине,
Мин — һөйөк Гулливеры.

Салауат Әбүзәров