Дәүләт һәм республика халыҡтары телдәрен һаҡлауға, үҫтереүгә Башҡортостан Башлығы грантына дәғүә итеүселәрҙән ғаризалар (бөтәһе 287 ғариза) ҡабул итеү тамамланды.

Бөгөн Рафаэль Шафиҡов етәкселегендәге Эксперт советының тәүге ултырышы үтте. Мәғариф бүлегенә – 123, мәҙәниәт тармағына – 84, фәнгә – 24, киң мәғлүмәт сараларына – 13, йәштәр сәйәсәте һәм спортҡа 9 заявка ҡабул ителгән. Тағы ла 18 заявка – илебеҙ төбәктәренән, ә 16 йәмәғәт ойошмаларынан килгән.

Эксперттар 20 мартта баһа бирәсәк, ә артабан инде конкурс комиссияһы еңеүселәрҙе асыҡлаясаҡ. Башҡортостан мәҙәниәт министрлығынан хәбәр итеүҙәренсә, быйыл гранттың күләме, 2018 йылда сарыф ителмәгән 24 миллион һумды ла ҡушып иҫәпләгәндә, барлығы 74 миллион һум тәшкил итә.